మొలత్రాడు

Telugu Tradition : Molathadu – మొలత్రాడు : హిందూ సాంప్రదాయం ప్రకారం అన్ని వయసుల మగవారు నడుము భాగంలో ఈ మొలతాడును ధరిస్తారు. మొలతాడును దారంతో తయారు చేస్తారు. కొందరు వెండి తోను, బంగారంతోను, ప్లాటినమ్ తో కూడా ఈ మొలతాడును తయారు చేయించుకుని ధరిస్తారు.

మొలతాడు మార్చవలసినప్పుడు కొత్త దానిని ధరించిన తరువాత పాతదానిని తొలగిస్తారు. మొలత్రాడు ధరించడం హిందూ సాంప్రదా యంలో ఒక భాగం. యావత్ భారతదేశంలో ఈ సాంప్రదాయం ఉంది. చిన్నతనంలో బాలబాలికలే ఇద్దరికీ మొలత్రాడు కట్టిననూ, పెద్దవారైన తర్వాత స్త్రీలు మొలత్రాడు వాడరు. పురుషులు మాత్రం తప్పక వాడవల సిందే. పురుషుడి భార్య కాలం చేస్తే గానీ మొలత్రాడు తీయకూడదు అన్న నమ్మకం ఇప్పటికీ ఉంది.

మొలత్రాడులు ప్రాథమికంగా ఎరుపు/నలుపు రంగులలో లభిస్తాయి. నలుపు మంచిది కాదని కొందరి నమ్మకం. లుంగీ, పంచె, వదులుగా ఉన్న నిక్కర్లు, ప్యాంటులు, పైజామా, లంగోటి మొదలైన వాటిని బెల్టు ఉపయోగించకుండా బిగుతు చేసుకోవటానికి వాటిని మొలత్రాడు క్రిందకు అంటే నడుముకు, మొలత్రాడుకి మధ్య వస్త్రం వచ్చేలా కట్టుకొనే సౌలభ్యం ఈ మొలత్రాడువలన ఉంది. స్నాన సమయంలో నీటిని పీల్చటం వలన మొలత్రాడు మెత్తబడి, లేక ఉదర భాగం పెరిగి మరీ బిగుతుగా ఉండటం మూలాన కొంత కాలానికి అది తెగిపోతుంది. అప్పుడు మరల క్రొత్త మొలత్రాడు కొనాలి. సంపన్నులు వారి ఆర్థిక పరిస్థితులను బట్టి వెండి బంగారు మొలత్రాడులని వాడటం కూడా ఉంది. చిన్ని కృష్ణుడిని వివరించే ఒక పద్యంలో బంగారు మొలత్రాడు అనే పదాలు వస్తాయి.

Also Read : సమావర్తన